soceanainn / lth

Teanga Ríomhaireachta as Gaeilge

Fáilte go lth - Teanga Ríomheolaíochta trí Ghaeilge

Is féidir leathanaigh suíomh idirlíne a ghineadh tríd lth a úsáid.

Chun tosú, déan íoslódáil ar an fillteán seo agus oscail lth.html. Is féidir lth a scríobh i do bhrabhsálaí, agus do leathanach HTML féin a íoslódáil!

Tá lth thar a bheith éasca le scríobh - tosaigh le lth { } agus cur breis gnéithe taobh istigh de na lúibíní { }. Tá liosta de na gnéithe ar fad faoi seo, agus tugtha san uirlis féin.

Roinnt rialacha:

• Caithfear spás amháin a bheith idir ainm an ghné agus an lúibín oscailte - m.sh ainm {. Ní oibríonn ainm{ nó ainm { - (le dhá spás).
• Caithfear tosú le lth { }
• Ní féidir leat lúibíní folamh a bheith agat riamh. Caithfear ar a laghad gné amháin a chur i ngach péire lúibíní.
• Is eisceacht iad na bun gnéithe. Cuirtear gnáth téacs, uimhreacha, seolta idirlíne taobh istigh de lúibíní na bun gnéithe, m.sh. seoladh { www.peig.ie } nó b { Seo téacs le béim (líne faoin téacs) a thaispeántar ar an leathanach ginnte. }

Féach sa fillteán samplaí chun roinnt samplaí agus na leathanaigh a ghineann siad a fheiceáil. Tá an téacs lth sna comhaid txt agus tá na leathanaigh go ghintear sna comhaid html. Is féidir ceann de na comhaid txt a úsáid chun tús a chur le do leathanach féin!

Gnéithe

• lth: An leathanach féin. Téann gach rud istigh anseo. Glacann sé le [eolas, corp]
• eolas: Eolas faoin leathanach. Níl sé seo sofheicthe ar an leathanach féin. Glacann sé le [ainm, cursíos, údar, deilbhín]
• ainm: Ainm an leathanaigh féin. Bun gné í seo a ghlacann le téacs
• cursíos: Cur síos ar an leathanach. Bun gné í seo a ghlacann le téacs
• údar: Do ainm féin. Bun gné é seo a ghlacann le téacs
• deilbhín: Nasc chuig do dheilbhín féin. Bun gné í seo a ghlacann le seoladh i bhfoirm URL
• corp: Corp an leathanch féin (an cuid sofheicthe). Glacann sé le [bosca, ceann, croí, cos]
• bosca: Bosca ar an leathanach gur féidir ábhair a chur ann. Glacann le [teideal, alt, nasc, íomhá]
• ceann: Bosca réamhdéanta do bharr an leathanaigh. Úsáid in éineacht le cos & croí. Glacann na gnéithe céanna le bosca.
• croí: Bosca réamhdéanta do chroí an leathanaigh. Úsáid in éineacht le ceann & cos.Glacann na gnéithe céanna le bosca.
• cos: Bosca réamhdéanta do chos an leathanaigh.Úsáid in éineacht le ceann & croí. Glacann na gnéithe céanna le bosca.
• alt: Alt nua. Glacann sé le [nasc, g,t,l,b]
• teideal: Teideal nó fotheideal. Is gá tosú le 'uimhir'. Glacann le [uimhir, nasc, g, t, l, b]
• íomhá: Íomhá (pictiúr). Déantar an íomhá a lódáil ón URL tugtha in 'seoladh'. Glacann le [seoladh] amháin.
• nasc: Nasc chuig leathanach eile. Is gá tosú le 'seoladh'. Glacann le [seoladh, íomhá, g, t, l, b]
• seoladh: Bun gné í seo a ghlacann le téacs i bhfoirm 'URL'. Úsáid mailto:[email protected] chun nasc teagmhála a chruthú.
• uimhir: Bun gné í seo a ghlacann le uimhir idir 1-6 don teideal (1 is mó, 6 is lú).
• g: Gnáth-théacs. Bun gné é seo a ghlacann le téacs
• t: Téacs 'trom'. Bun gné é seo a ghlacann le téacs
• l: Téacs 'lag'. Bun gné é seo a ghlacann le téacs
• b: Téacs le 'béim'. Bun gné é seo a ghlacann le téacs

Teagmháil

Má tá spéis agat teagmháil a dhéanamh liom seol ríomhphost chugam le aon fadhbanna, deacrachtaí, smaointe nó ceartúcháin.